RSS

Category Archives: طقاطيق

تسجيلات للشيخ زكريا

الشيخ زكريا أحمد

الشيخ زكريا أحمد

عرف عن الشيخ زكريا أداؤه الأخاذ رغم خشونة صوته! نعرض هنا مجموعة نادرة من تسجيلات الشيخ زكريا بصوته ونأمل أن نزيدها فى المستقبل

مع الشيخ زكريا وأجواء النغم الأصيل

يا صلاة الزين – أغنية – مقام بياتى

الشيخ زكريا أحمد

الـورد جميـل – أغنية – مقام راحة أرواح

الشيخ زكريا أحمد

يا جريح الغرام – دور – مقام نوا أثر

الشيخ زكريا أحمد

الحب له دولة قوية – ديالوج – مقام راست – زكربا ، فضيلة رشدى

الشيخ زكريا أحمد

ح اتجن يا ريت يا اخواننا – بصوت زكربا أحمد – طقطوقة – مقام شد عربان

Advertisements
 

سيد درويش – نصوص وتسجيلات

 

سيد درويش

سيد درويش

زورونى كل سنة مرة  – مقام عجم
لحن وكلمات سيد درويش

 

زورونى كل ســـــــــنة مرة … حرام تنســـــــونى بالمرة

أنا عمـــــلت إيه فيــــــــــكم … تشــــــاكونى واشــــاكيكم

أنا اللى العمر اداديــــــــــكم … حرام تنســــــــونى بالمرة

يا عينى ع اللى مالوش حــد … طول عمره يقاسى الوجــد

وتجـــرى دمعتــــه ع الخــد … مســــكين حــــــاله بالمرة

زورونى كل ســــــــنة مرة
تعليق: الكلمات المغناة بصوت فيروز مغايرة للنص الأصلى !

.

ألحان سيد درويش – كلمات بديع خيرىsd

لحن الشيالين – شــد الحــزام – مقام حجاز

شــــد الحــزام على وسطك غيره ما يفيدك … لابـــــد عن يــــوم برضــه ويعـــدلها ســــــيدك
وان كان شيل الحمول على ضهرك يكيدك … أهــــــون عليــــك يا حـــــر من مــدة إيـــــــدك

ما تيالله بيـــنا انت ويـــــــاه ونســــتعان ع الشـــــــــقا بالله
واهو اللى فيه الفسمة طلنـاه واللى مافيهشى ان شالله ما جاه

ما دام بتلقى عيش وغمـوس يهمـــك ايـــه تفضل موحــوس
ماتحـط راســـك بين الروس لا تقوللى لا خيــار ولا فاقـوس

شــــد الحزام

ح اقـــولك ايه واعيـــد لك ايه كله له آخــر … دى وكســة جامدة وجت على عينك ياتاجر
يا وكســتك دلـــوقت لا وارد ولا صــــادر … يحلـــــــها ألفيـــــن حـــلاّل ربـك قـــــــادر

قوللى فى عرض النبى يا حسين رايحين نلاقيها منين ومنيـن
والإش متجــــــوز اتنيــــــــــــن يا دنيا روقى جتك البيـــــــن

عمــر البخيل يفضل منحـــــوس لو علقوا على بابه فانــــوس
فلـــوس دى إيه سكتر يا جاموس هى السعادة فى غنى النفوس

شــــد الحزام

يالله بنا نلحق لاكسبريس اهـو بقى ع الرصيف … وادى احنا يا دوبك لسه ماعملناش بحق رغيف
كل المحطـات قبــــلى وبحـــرى بقت لماليـــف … يتـوب عليـنا من دى العيشــة يا لطيف يا لطيف

ما قطعوا لنا التليفونــــات وعطلوا التلغرافـــــــــــات
عمركش سمعت الدلنجات بيسافروا لها بالباسبورتات

غلب حمار اللى له حما ر يحمــله لك ست انفــــــــار
واهو السفر فى الأيام دى صار ع البهايم ليل ونهــار

قرب شيــّـلنى شيّـــل … لا تقوللى كتير وقليل

عمر الشـدة ما تطـــوّل … بكرة نهيص زى الأول
هيلا هيلا هيلة هــيلة … هيلا هيلا هيلة هـــــيلة

.

لحن الصنايعية – الحلــــوة دى – مقام حجازsd

 

 

لحن سيد درويش – كلمات بديع خيرى

الحلــــوة دى قامت تعجـــن فى البدريـــــة … والديك بيــدن كوكو كوكو فى الفجــــــرية

يالله بنــــــــا على بــــاب الله يا صـــنايعية … يجعل صباحك صباح الخير ياسطى عطية

طلــــع النهــــار فتــــاح يا عليــــم … والجيــــب مافيهــــشى ولا مليــــــم

مين فى اليومين دول شاف تلطيــم … زى الصـــــــنايعية المظاليـــــــــــم

الصبر أمره طــــــــــــال .. وايش بعد وقف الحال

ياللى معاك المــــــــــال … برضه الفقيــر له رب كريم

أولاد أوربــــا ما بيناموش … عن الصـــــــنايع ما يونوش

لافرنجى دايما حلق حوش … والمصرى جنبه بيطلع بوش

ســبع صـنايع فى إيدينــــا … والهـــــم جايــــــر عليــــــنا

يامـــا شــــكينا وبكــــــينا … يا أغنيـــــا ليه ما تساعدوش

ما تشد حيلك يا بو صلاح … إضربها صرمة تعيش مرتاح

خلى تكـــــالك ع الفتـــاح … يالله بنا يالله الوقــت اهو راح

الشمس طلعــت والمــــــلك لله … ما تشيل قدومك والعـــدة ويالله … اجــرى لرزقك خليها على الله

.

طلعت يا محلا نورها – مقام فا ماجيرsd

 

 

لحن سيد درويش – كلمات بديع خيرى

طلعت يا مـــــحلا نورها … شــمس الشموســه

يالله بنـــا نمـــــلا ونحلب … لبـــن الجاموســــه

قــاعد ع الســـاقية خللى … اســــــمر وحليــوة

عـاوج الطــــــاقية وقاللى … غنى لى غنيــــــوة

قلت له يا محمد حبـــــك … لخـــفن لى عــقلى

ميتى النـار تبرد واعرف … راسى من رجــلى

طلعت يا مـــــحلا نورها

جاية من الترعة ســـمعوا … رنـــة خلخـــــالى

لحقـــونى ســبع جدعــان … طالبيـــن وصــالى

نظرونى يا خويا وراحوا … واقعين فى جمـالى

قدمــــوا لأبويا مهــــرى … ميتــين خيـــــــالى

طلعت يا مـــــحلا نورها

تعليق: الكلمات المغناة بصوت فيروز مغايرة للنص الأصلى !

.

عشان ما نعلا ونعلا  (لحن الوصوليين) – مقام رى ماجيرsd

 

 

لحن سيد درويش – كلمات بديع خيرى

عشان ما نعلا ونعلا ونعلا … لازم نطاطى نطاطى نطاطى

بسلامته الوالي ابو زعيزع … مهجص باشا دقن تعيتع

وغرامه تمللي قال ايه … نترصص دايما حواليه

نروح واقفين زنهار … زي القط والفار

تلقاه دايما منفوخ نفشرله … طاخ طيخ طوخ

الرك على حبة بولوتيكه … وذمة كاوتشوك خربانة

ما دام الأمير ذمته أنتيكه … لازم الرعية تكون وحلانة

حذر فذر ياواد انت بعقلك … بعد الحنشصة دي اللى انت عليها

ياهل ترى الدنيا دي حتروقلك … وتشوف ماشاف قراقوش فيها

تعرفش المسألة ايه … عرنوس متعفرت ليه

بالحق سلامات سلامات … ايش حال الافوات

محاسيبك … يا خى سيبك

اول شرط نطاطي البصلة … لسيدنا الوالي ونستعبط له

مهما تسمعوا تهجيص … اعملوا روحكم بلاليص

مهما نسمع تهجيص … نعمل روحنا بلاليص

عشان ما نعلا ونعلا ونعلا … لازم نطاطي نطاطى نطاطى

.

ســالمة يا سلامة – مقام بياتىsd

 

 

ألحان سيد درويش – كلمات بديع خيرى

ســــالمة يا ســـلامة … رحنا وجينا بالسلامة

صفر يا وابور واربط عندك … نزلنــــى فى البــــــلد دى

بلا أمـــــيركا بلا أوربـــــــا … مافى شئ أحسن من بلدى

دى المركب اللى بتجيــــــب … احســن من اللى بتــــودى … يا اسطى بشندى

سـالمة يا سلامة

سـلطة ما سلطة كله مكسب … حوشــــنا مــال وجيــــــنا

شفنا الحرب وشفتا الضرب … وشــــفنا الديناميت بعنــينا

ربك واحـــد عمرك واحــد … ادى احنا رحـــنا وجيــــنا … ايه خس عليــنا

سالمة يا سلامة

صلاة النيى ع الشخص منا … فرصـــة ميه بلا قافيــــــة

اللى ف جـــيبه يفنجــــر به … والبركة فى العين والعافية

ح تـــاخد ايه م الدنيــا غيـر … الستر يا شيخ خليها ماشـية … دنيـــا فانيــــــة

سالمة يا سلامة

دى الغربـــــــة ياما بتــــــــــورى … بتخــــــلى الصــــنايعى بيـــرطن

مطـــــرح ما يـــروح المصــــرى … برضــه طـــول عمــره ذو تفنــن

وحيـــــــاة ربنـــــــــا المعبـــــــود … وى آر فرى جود ياسطى محمود … قــدها وقــدود

سالمة ياسلامة

.

أنا المصرى – مقام فا ماجيرsd

 

 

ألحان سيد درويش – كلمات بيرم التونسى

أنا المصــرى كريـــم العنصرين … بنيــت المجـــد بيــن الإهراميـــــن

جدودى أنشــأوا العلـــم العجيــب … ومجرى النيل فى الوادى الخصيب

لهــم فى الدنيـــا آلاف الســـــنين … ويفــنى الكـــــون وهم موجـــودين

واقــولك ع اللى خلانى … أفوت أهلى وأوطانى

حبيب أوهبت له روحى … لغيره لا أميل تـــانى

.

نشيد بلادى – مقام فا ماجيرsd

 

 

لحن وكلمات سيد درويش

بــــــلادى بـــــــلادى … لك حبــى وفـــــؤادى

مصـــر يا أم البــــلاد … أنت غايتى والمــــراد

وعلى كل العبـــــــــاد … كم لنيــلك من أيـــادى

مصر يا أرض النعيم … ســدت بالمجــد القديـم

مقصدى دفـــع الغريم … وعلى الله اعتمـــــادى

مصــر أولادك كــرام … أوفيـا يرعوا الزمــــام

سـوف تحظى بالمرام … باتحـــادهم واتحـــادى

مصـر أنت أغلى درة … فوق جبين الدهر غرة

يا بـلادى عيشى حرة … واسلمى رغم الأعادى

.

القلل القنــاوى – مقام راستsd

 

 

لحن سيد درويش – كلمات بديع خيرى

مليــــحة قوى القلل القنـــاوى … رخيـصة قوى القلل القنـــاوى … قــرب حــدانا وخد قلتــــــين

خســارة قرشك وحيـــــاة ولادك … ع اللى ماهواش من طيــن بـلادك

ده ابن بلــــــدك ما يبلفـــــــكشى … ما تعـــــدموشى ولا يعدمـــكشى … دمك من دمه ما يفرقكوا شى

الدنيـــــــا مالها يا زعبــــــلاوى … شـــقلبوا حـالها وين المـــــداوى

شوفوا البـلاوى ده البنـــك ناوى … يرفــع دعــاوى علشـــان يتـاوى… فى فلوسنا واحنا متقندليـــــن

مش بزيــــادانا بقيـــــــنا عـرة … وكل حــــــاجة من شــغل بــره

ده الفقــر طول قلــــع عينيــــنا … وخلا غيـــــرنا قلــس عليـــــنا … يادى الفضيحة يا ناس حرام

ولحــــــد ميـتى ما نفوقش واصل … والبيـه مقعمص قـــــــاعد يواصل

يشرب فى بيرة ويا منيــــــــــــرة … واحنا فى حيرة جـــــد وكبيـــــرة … انتعـــــنا بقى يا جـد الحسين

.

والله تستاهل يا قلبى مقام عجمsd

 

 

لحن سيد درويش كلمات أمين صدقى

والله تســــــتاهل يا قلبى … ليه تميــــــــل ما كنت خالى

انت أســــباب كل كربى … وانت أســـــــباب ما جرالى

إيه بقى اللى ح يواسينى … بعد ما انهــــــــدت آمــــالى

اذا كان حظى ناســــينى … مين اروح له اشكى له حالى

ان شكيت قلبى وحواسى … يعمــــلوا مؤامــــــــرة علىّ

وان بكيـت والحب قاسى … تشــــــتكى منـــــــــى عينىّ

أعمل ايه واحنا ف غربة … والأغـراب دول زى اليتامى

يا مين يواسيهم فى كربه … يامــــا بيقاســـــــــوا ويامــا

يارب كل من له حبيــب … طــــــال بعــــاده وللا قريب

ما تحـــــــــــرموش منه … وهــــــــاته له بالســـــــلامة

.

لحن العمال – ما قلتلكش ان الكترة مقام صول ماجيرsd

 

 

لحن سيد درويش كلمات بديع خيرى

ما قلتلكش ان الكترة … لابد يوم تغلب الشجاعة

واديك رأيت كلام الأمرا … طلع تمام ولا فيهشى لواعة

غيرشى اللى كان هالك ابداننا … ومطلع النجيل على عيننا

ان فهمى يكره حنا … وايش دخل دول يا نا بس ف ديننا

دخل بناتنا اللى موقعنا … فى بعضنا وراح لك متصدر

فقسنا لعبته واتجمعنا … لا يضيع شرفنا الله لا يقدر

عاديك على اللى ادت له الدنيا … وش وبقى له تركة ومتاعة

تشوفنا احنا تقول حنفية … وتشوفه هوه تقول بلاعة

عايشين فى وادى النيل نشرب … من عدادات على مللى وسنتى

من جاز لملح ومن سكر … وترموايات لخواجة تريانتى

ربنا ما يوريكشى دوختنا … الجيب نضيف أما البيت أنضف

والهدمة دى اللى على جتتنا … محجوز عليها دى عيشة تقرف

الحق كله على الأغنيا … إحم يا فرحتنا بشطارتهم

ملهيين فى روزا وماريا … والسف نازل على أمتهم

إمتى بقى نشوف قرش المصرى … يفضل فى بلده ولا يطلعشى

انتوا بمالكم واحنا بإيدنا … دى الإيد لوحدها ما تسقفشى

.

خفيــــف الـــــروح مقام بياتىsd

 

 

طقطــــوقة – تلحين سيد درويش

خفيف الروح بيتعـاجب … برمش العيــن والحاجب

خفيف الروح

غمـــز لى مرة بعيونـــه … لقيت الحــب مضمـــونه

حرام ان كنت انا اخونه … وعشقى له من الواجــب

خفيف الروح

تملى يحب يشــــــغلنى … بســـهم اللحـــــظ والننى

أخاف اتقل يخاصــمنى … ويهجـــرنى ويحـــرمنى

خفيف الروح

رأيت الأوفق ان جـانى … حبيب القــلب نــــــادانى

أرد عليــه بأجفـــــــانى … ولا أحسب حساب عازل

خفيف الروح

أدوار سيد درويش على صفحة خاصة

 

قوالب الغناء العربى – الطقطوقة

الطّقطــــــوقة

.

نظم الطقطوقة

الطقطوقة شكل من أشكال الغناء بالعامية يميزه عن غيره طريقة النظم والتلحين والغناء ، وهى تتكون من مذهب وعدة مقاطع تسمى كوبليهات ومفردها كوبليه ، ويعاد تكرار المذهب بعد كل منها كما يختم به الغناء

أدخل ذلك النوع من النظم إلى العربية شعراء العامية فى مطلع القرن العشرين مثل يونس القاضى وبديع خيرى وأحمد رامى وبيرم التونسى

تطورت الطقطوقة من حيث التشكيل بحيث تطول أو تقصر أبياتها ، وتعددت بحورها وقوافيها مع كثرة شعراء العامية وميل كثير من الملحنين والمغنيين إلى تقديم هذا اللون من الغناء والإبداع فيه ، لكنها احتفظت بنفس التكوين الأساسى وأصبح شكل الطقطوقة أشهر الأشكال الغنائية فى النصف الأول من القرن العشرين ، وغنت أم كلثوم آخر طقطوقة لها وهى جمال الدنيا من ألحان زكريا أحمد مقام شورى عام 1947 حيث احتل قالب الأغنية الحديثة مكان الصدارة بعد ذلك

لحن الطقطوقة

لحن الطقطوقة الشيخ سيد درويش والقصبجى وزكريا أحمد ومحمد عبد الوهاب والسنباطى ثم تبعهم كثيرون آخرون

ويعتمد لحن الطقطوقة على بداية الغناء بالمذهب ثم العودة إليه بعد كل كوبليه ، وقد تلحن الكوبليهات بألحان مختلفة تتعدد مقاماتها وإيقاعاتها أو تلحن كل الكوبليهات بنفس اللحن خاصة إذا كانت من نفس الوزن والبحر الشعرى ، وقد يتخلل المقاطع أو الكوبليهات لزم موسيقية تطول أو تقصر حسب رؤية الملحن

فى بعض ألحان سيد درويش المسرحية التى صيغت على قالب الطقطوقة أدخل بديع خيرى مقطعا ختاميا من وزن وبحر مختلف عن سائر النظم ، وتبع ذلك تلحين هذا المقطع بلحن مختلف والانتهاء به بدلا من العودة إلى المذهب كما فى لحن الحلوة دى ولحن الشيالين ، وبذلك خرجت هذه الألحان من قالب الطقطوقة التقليدى لغرض التعبير المسرحى

نافس الطقطوقة من قوالب الغناء العربى المونولوج أو النظم المتواصل الذى لا يحتوى على مذهب وليس به رجوع إلى كلام أو لحن البداية

الطقطوقة والأغنية

طرا تطور على قالب الطقطوقة بحيث يتم الرجوع بعد كل كوبليه إلى الجزء الأخير من المذهب وليس المذهب كله فظهرت بذلك الأغنية الحديثة ، وقد ساد قالب الأغنية أشكال الغناء فى القرن العشرين منذ ظهوره فى الأربعينات كمنافس للطقطوقة والمونولوج ، وأدى هذا التغيير إلى عودة سيادة المطرب وتراجع الغناء الجماعى ، وربما كان هذا سببا إضافيا فى استمرار التعلق الجماهيرى بطقاطيق سيد درويش رغم مرور الزمن

مميزات الطقطوقة كقالب فنى

تمتاز الطقاطيق بخاصية فريدة هى احتوائها على مذهب مستقل يتكرر بين المقاطع الغنائية ، وعادة تعرف الطقطوقة بلحن مذهبها ، فإن نجح لحن المذهب نجح اللحن كله والعكس بالعكس ، ولهذا يكرس الملحن أكبر جهده للتركيز الشديد فى لحن المذهب الذى هو مفتاح النجاح

استخدم هذه الميزة أيضا الشعراء فحاول كل منهم وضع أقوى ما يمكن من الألفاظ المؤثرة والتعبيرات الجذابة فى كلمات المذهب لنفس السبب

أما الميزة الكبرى لألحان الطقاطيق فهى قابلية المذهب للحفظ بتكرار غنائه بين المقاطع ، لذا فهو الجزء الأقرب للجمهور من العمل ، وكثيرا ما نجد الجمهور يحفظ المذهب ويردده مع المغنى بينما يترك له بقية الغناء ليستعرض فيه صوته وتمكنه من الأداء ، والسبب فى ذلك يرجع إلى استخدام الملحنين للتراكيب السهلة الجذابة فى تلحين المذهب حتى تلتقطها آذان الجمهور وإرجاء الإبداعات الفنية الثقيلة والمركبة إلى الكوبليهات التى يؤديها المطرب بمفرده ، وفى سبيل ذلك أيضا لجأ كثير من الملحنين إلى استخدام الكورس فى المذهب دون المطرب الذى ينتظر فراغ الكورس من الأداء فيبدأ فى غناء الكوبليهات

ساهمت هذه الخاصية كثيرا فى شيوع العديد من الطقاطيق على ألسنة الناس بل وانتقال ألحانها من جيل إلى جيل ، ونذكر هنا على سبيال المثال طقاطيق سيد درويش الشهيرة التى نجحت فى أن تسكن أذن المستمع عبر أجيال متعاقبة ، بينما لم تستطع أدوار سيد درويش مثلا ، وهو نفس الملحن العبقرى ، الوصول للجمهور العريض ، مما يثبت نجاح القالب الفنى كقالب فى حد ذاته فى توصيل المادة للجمهور ويبين أهمية القالب فى توظيف المادة الفنية

من أشهر الطقاطيق

سيد درويش

خفيف الروح – مقام بياتى

أهو دا اللى صار – مقام حجازكار كورد

طلعت يا محلا نورها – مقام فا ماجير

زورونى كل سنة مرة – مقام عجم

حرج على بابا – مقام راست دوكاه

محمد القصبجى – غناء أم كلثوم

قال إيه حلف – مقام راست

ما دام تحب بتنكر ليه – مقام نهاوند

زكريا أحمد – غناء أم كلثوم

جمالك ربنا يزيده – مقام جهاركاه

اللى حبك ياهناه – مقام راست

بكره السفر – مقام بياتى

غنى لى شوى شوى – مقام راست سوزناك

قول لى ولا تخبيش – مقام هزام

حبيبى يسعد أوقاته – مقام بياتى

جمال الدنيا – مقام شورى

رياض السنباطى – غناء أم كلثوم

على بلد المحبوب – مقام بياتى

ح اقابله بكرة – مقام راست

محمد عبد الوهاب – غناء عبد الوهاب

خايف اقول اللى ف قلبى – مقام بياتى

اجرى اجرى – مقام هزام

لما انت ناوى – مقام بياتى

امتى الزمــان – مقام بياتى

نماذج من غناء الطقطوقة

قوالب الغناء العربى

القصـــيدة –   الموشــــح –   الـــــــدور –   الطقطــوقة

المــــــوالالقـــــــــــــــدالمونولـــوج –  الديــــــالوج

النشـــــيد  الأنشـودة  الأوبريـــت  الاستعراض

الأغنيـــــة  الابتهــــال  التوشـــيح  الترنيــــــــم