RSS

أدوار سيد درويش – نصوص وتسجيلات

23 يوليو
سيد درويش

سيد درويش

دور أنا هويت وانتهيت – مقام كورد

لحـــن وأداء ســـيد درويـــش

أنا هويت وانتهيت … وليه بقى لوم العزول

يحب إنى أقول ياريت …الحـــب ده عنى يـــزول

ما دمت انا بهجره ارتضيت … خللى بقى اللى يقول يقـــول

أنا وحبيبى فى الغـرام … مافيش كده ولا فى المنام

أحبه حتى فى الخصام … وبعـده عنى يا ناس حرام

ما دمت انا بهجره ارتضيت … منى على الدنيــا الســـــــلام

.

دور ضيعت مستقيل حياتى – مقام شـورى سيد درويش

لحـــن وأداء ســـيد درويـــش

ضيعت مستقبل حياتى فى هواك … وازداد على اللوم وكتر البغددة

حتى العوازل قصدهم دايما جفاك … وانا ضعيف ما اقدرش احمل كل ده

ان كان جفاك يرضى علاك وانا ف حماك … أصل الحبيب ما يكونش أحسن من كده

علمتنى يا نور عيونى الامتثال … واحتار دليلى بين تيهك والجوى

كنت افتكر حبك يزودنى كمال … خيبت ظنى والهوى ما جاش سوا

تبقى سبب كل التعب ونسيت مغرمك … ده اللى انكتب فوق الجبين مالوش دوا

.

دور أنا عشقت – مقام حجاز كارسيد درويش

لحـــن وأداء ســـيد درويـــش

أنا عشـــقت وشفت غيرى كتير عشق … عمرى ما شـــفت المر إلا فى هـــواك

وكم صبرت ماكانش فيه يوم نتــــــفق … مع إن قلبى كان أســـير يطلب رضاك

خنت الوداد من غير معاد ان كان عناد … بلاش تغيـــر لما تشوفنى مع ســــواك

يا ما شربت وكنت اقول صبرك عليه … يمكن فى يــوم يرجــع لعقله ويمتثــــل

لكن بقى طبعـــك كدا وانا اعمـــل ايه … قلبى معادشى يرق بعــــد اللى حصــل

غيرك هويت وهواك سنين حبك يا ريت … كان من زمان ولا كان فى حال دا وصل

خنت الوداد من غير معاد ان كان عناد … بلاش تغيــر لما تشوفنى مع ســــواك

.

دور ياللى قوامك يعجبنى – مقام نكريزسيد درويش

لحـــن وأداء ســـيد درويـــش

ياللى قـوامـــــــــك يعجبــــنى … ليـــه بس ترضى لى صـدودك

يا هل ترى بتأدبنى … اكمن عزالى شهودك

ده شيء كتيـــر بعـــــدك عنى … والقــــلب ميــــــال لوجــــودك

أروح لميــن أشــكى حبيــــبى … والدهــــر والعــــزال حكــــــام

أنا احب اشوف فى النوم طيفه … ألقــاه يجيـــنى مع الأغصــــان

والقلب ده راح يحمل ايه … حتى العوازل فى الأحـلام

.

دور عــــواطفك – مقام نوا أثرسيد درويش

لحن وكلمات وأداء ســـيد درويـــش

عواطـــفك دى أشــهر من نــار … بس اشمعنى جافيتنى آه يا قلبك

انت اللطــــف وليه أحتــــــــار … ســــيد الكل انا طوع أمــــــرك

حــــالى صبح لم يرضى حبيب … لـــوم النـــاس زودنى لهيـــــب

ماقــــولش ان الوصــــل قريب … يا مليـــــكى والأمــــر لربــــك

خايف أحكى لمين أشكيك … دبــرنى علشـان أرضـيك

يمكنى دايــــــما أواســيك … والعـــازل مايكونش زيك

يخطــر لى دايما مــــرآك … من كتـرة حبى لعــــــلاك

صبحنى هجـــرك وجفاك … رســـم الظل با نعم مليــك

فى هذا الدور من نظم سيد درويش قصد التغنى بعودة الخديوى عباس حلمى الذى عزلته سلطة الاحتلال لوقوفه بجانب قضية الشعب وقد منعت السلطات تداول أى وسيلة إعلام لاسمه فنظم سيد درويش هذه الكلمات للتعبير عن المطالبة بعودة الخديوى متحايلا على قرار السلطة ، ويلاحظ أن الحرف الأول من كل شطرة هو أحد حروف اسم الخديوى مرتبة فى المقطع الأول ، فى المقطع الثانى كلمة خديوى مصر مدخلة بنفس الطريقة على أوائل الشطرات ، وتقرأ الحروف الأولى جميعها عبارة ” عباس حلمى خديوى مصر” وذاع الدور كأنه أغنية وطنية

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: