RSS

سيد درويش – نصوص وتسجيلات

23 يوليو

سيد درويش

سيد درويش

زورونى كل سنة مرة  – مقام عجم
لحن وكلمات سيد درويش

زورونى كل ســـــــــنة مرة … حرام تنســـــــونى بالمرة

أنا عمـــــلت إيه فيــــــــــكم … تشــــــاكونى واشــــاكيكم

أنا اللى العمر اداديــــــــــكم … حرام تنســــــــونى بالمرة

يا عينى ع اللى مالوش حــد … طول عمره يقاسى الوجــد

وتجـــرى دمعتــــه ع الخــد … مســــكين حــــــاله بالمرة

زورونى كل ســــــــنة مرة
تعليق: الكلمات المغناة بصوت فيروز مغايرة للنص الأصلى !

.

ألحان سيد درويش – كلمات بديع خيرىsd

لحن الشيالين – شــد الحــزام – مقام حجاز

شــــد الحــزام على وسطك غيره ما يفيدك … لابـــــد عن يــــوم برضــه ويعـــدلها ســــــيدك
وان كان شيل الحمول على ضهرك يكيدك … أهــــــون عليــــك يا حـــــر من مــدة إيـــــــدك

ما تيالله بيـــنا انت ويـــــــاه ونســــتعان ع الشـــــــــقا بالله
واهو اللى فيه الفسمة طلنـاه واللى مافيهشى ان شالله ما جاه

ما دام بتلقى عيش وغمـوس يهمـــك ايـــه تفضل موحــوس
ماتحـط راســـك بين الروس لا تقوللى لا خيــار ولا فاقـوس

شــــد الحزام

ح اقـــولك ايه واعيـــد لك ايه كله له آخــر … دى وكســة جامدة وجت على عينك ياتاجر
يا وكســتك دلـــوقت لا وارد ولا صــــادر … يحلـــــــها ألفيـــــن حـــلاّل ربـك قـــــــادر

قوللى فى عرض النبى يا حسين رايحين نلاقيها منين ومنيـن
والإش متجــــــوز اتنيــــــــــــن يا دنيا روقى جتك البيـــــــن

عمــر البخيل يفضل منحـــــوس لو علقوا على بابه فانــــوس
فلـــوس دى إيه سكتر يا جاموس هى السعادة فى غنى النفوس

شــــد الحزام

يالله بنا نلحق لاكسبريس اهـو بقى ع الرصيف … وادى احنا يا دوبك لسه ماعملناش بحق رغيف
كل المحطـات قبــــلى وبحـــرى بقت لماليـــف … يتـوب عليـنا من دى العيشــة يا لطيف يا لطيف

ما قطعوا لنا التليفونــــات وعطلوا التلغرافـــــــــــات
عمركش سمعت الدلنجات بيسافروا لها بالباسبورتات

غلب حمار اللى له حما ر يحمــله لك ست انفــــــــار
واهو السفر فى الأيام دى صار ع البهايم ليل ونهــار

قرب شيــّـلنى شيّـــل … لا تقوللى كتير وقليل

عمر الشـدة ما تطـــوّل … بكرة نهيص زى الأول
هيلا هيلا هيلة هــيلة … هيلا هيلا هيلة هـــــيلة

.

لحن الصنايعية – الحلــــوة دى – مقام حجازsd

لحن سيد درويش – كلمات بديع خيرى

الحلــــوة دى قامت تعجـــن فى البدريـــــة … والديك بيــدن كوكو كوكو فى الفجــــــرية

يالله بنــــــــا على بــــاب الله يا صـــنايعية … يجعل صباحك صباح الخير ياسطى عطية

طلــــع النهــــار فتــــاح يا عليــــم … والجيــــب مافيهــــشى ولا مليــــــم

مين فى اليومين دول شاف تلطيــم … زى الصـــــــنايعية المظاليـــــــــــم

الصبر أمره طــــــــــــال .. وايش بعد وقف الحال

ياللى معاك المــــــــــال … برضه الفقيــر له رب كريم

أولاد أوربــــا ما بيناموش … عن الصـــــــنايع ما يونوش

لافرنجى دايما حلق حوش … والمصرى جنبه بيطلع بوش

ســبع صـنايع فى إيدينــــا … والهـــــم جايــــــر عليــــــنا

يامـــا شــــكينا وبكــــــينا … يا أغنيـــــا ليه ما تساعدوش

ما تشد حيلك يا بو صلاح … إضربها صرمة تعيش مرتاح

خلى تكـــــالك ع الفتـــاح … يالله بنا يالله الوقــت اهو راح

الشمس طلعــت والمــــــلك لله … ما تشيل قدومك والعـــدة ويالله … اجــرى لرزقك خليها على الله

.

طلعت يا محلا نورها – مقام فا ماجيرsd

لحن سيد درويش – كلمات بديع خيرى

طلعت يا مـــــحلا نورها … شــمس الشموســه

يالله بنـــا نمـــــلا ونحلب … لبـــن الجاموســــه

قــاعد ع الســـاقية خللى … اســــــمر وحليــوة

عـاوج الطــــــاقية وقاللى … غنى لى غنيــــــوة

قلت له يا محمد حبـــــك … لخـــفن لى عــقلى

ميتى النـار تبرد واعرف … راسى من رجــلى

طلعت يا مـــــحلا نورها

جاية من الترعة ســـمعوا … رنـــة خلخـــــالى

لحقـــونى ســبع جدعــان … طالبيـــن وصــالى

نظرونى يا خويا وراحوا … واقعين فى جمـالى

قدمــــوا لأبويا مهــــرى … ميتــين خيـــــــالى

طلعت يا مـــــحلا نورها

تعليق: الكلمات المغناة بصوت فيروز مغايرة للنص الأصلى !

.

عشان ما نعلا ونعلا  (لحن الوصوليين) – مقام رى ماجيرsd

لحن سيد درويش – كلمات بديع خيرى

عشان ما نعلا ونعلا ونعلا … لازم نطاطى نطاطى نطاطى

بسلامته الوالي ابو زعيزع … مهجص باشا دقن تعيتع

وغرامه تمللي قال ايه … نترصص دايما حواليه

نروح واقفين زنهار … زي القط والفار

تلقاه دايما منفوخ نفشرله … طاخ طيخ طوخ

الرك على حبة بولوتيكه … وذمة كاوتشوك خربانة

ما دام الأمير ذمته أنتيكه … لازم الرعية تكون وحلانة

حذر فذر ياواد انت بعقلك … بعد الحنشصة دي اللى انت عليها

ياهل ترى الدنيا دي حتروقلك … وتشوف ماشاف قراقوش فيها

تعرفش المسألة ايه … عرنوس متعفرت ليه

بالحق سلامات سلامات … ايش حال الافوات

محاسيبك … يا خى سيبك

اول شرط نطاطي البصلة … لسيدنا الوالي ونستعبط له

مهما تسمعوا تهجيص … اعملوا روحكم بلاليص

مهما نسمع تهجيص … نعمل روحنا بلاليص

عشان ما نعلا ونعلا ونعلا … لازم نطاطي نطاطى نطاطى

.

ســالمة يا سلامة – مقام بياتىsd

ألحان سيد درويش – كلمات بديع خيرى

ســــالمة يا ســـلامة … رحنا وجينا بالسلامة

صفر يا وابور واربط عندك … نزلنــــى فى البــــــلد دى

بلا أمـــــيركا بلا أوربـــــــا … مافى شئ أحسن من بلدى

دى المركب اللى بتجيــــــب … احســن من اللى بتــــودى … يا اسطى بشندى

سـالمة يا سلامة

سـلطة ما سلطة كله مكسب … حوشــــنا مــال وجيــــــنا

شفنا الحرب وشفتا الضرب … وشــــفنا الديناميت بعنــينا

ربك واحـــد عمرك واحــد … ادى احنا رحـــنا وجيــــنا … ايه خس عليــنا

سالمة يا سلامة

صلاة النيى ع الشخص منا … فرصـــة ميه بلا قافيــــــة

اللى ف جـــيبه يفنجــــر به … والبركة فى العين والعافية

ح تـــاخد ايه م الدنيــا غيـر … الستر يا شيخ خليها ماشـية … دنيـــا فانيــــــة

سالمة يا سلامة

دى الغربـــــــة ياما بتــــــــــورى … بتخــــــلى الصــــنايعى بيـــرطن

مطـــــرح ما يـــروح المصــــرى … برضــه طـــول عمــره ذو تفنــن

وحيـــــــاة ربنـــــــــا المعبـــــــود … وى آر فرى جود ياسطى محمود … قــدها وقــدود

سالمة ياسلامة

.

أنا المصرى – مقام فا ماجيرsd

ألحان سيد درويش – كلمات بيرم التونسى

أنا المصــرى كريـــم العنصرين … بنيــت المجـــد بيــن الإهراميـــــن

جدودى أنشــأوا العلـــم العجيــب … ومجرى النيل فى الوادى الخصيب

لهــم فى الدنيـــا آلاف الســـــنين … ويفــنى الكـــــون وهم موجـــودين

واقــولك ع اللى خلانى … أفوت أهلى وأوطانى

حبيب أوهبت له روحى … لغيره لا أميل تـــانى

.

نشيد بلادى – مقام فا ماجيرsd

لحن وكلمات سيد درويش

بــــــلادى بـــــــلادى … لك حبــى وفـــــؤادى

مصـــر يا أم البــــلاد … أنت غايتى والمــــراد

وعلى كل العبـــــــــاد … كم لنيــلك من أيـــادى

مصر يا أرض النعيم … ســدت بالمجــد القديـم

مقصدى دفـــع الغريم … وعلى الله اعتمـــــادى

مصــر أولادك كــرام … أوفيـا يرعوا الزمــــام

سـوف تحظى بالمرام … باتحـــادهم واتحـــادى

مصـر أنت أغلى درة … فوق جبين الدهر غرة

يا بـلادى عيشى حرة … واسلمى رغم الأعادى

.

القلل القنــاوى – مقام راستsd

لحن سيد درويش – كلمات بديع خيرى

مليــــحة قوى القلل القنـــاوى … رخيـصة قوى القلل القنـــاوى … قــرب حــدانا وخد قلتــــــين

خســارة قرشك وحيـــــاة ولادك … ع اللى ماهواش من طيــن بـلادك

ده ابن بلــــــدك ما يبلفـــــــكشى … ما تعـــــدموشى ولا يعدمـــكشى … دمك من دمه ما يفرقكوا شى

الدنيـــــــا مالها يا زعبــــــلاوى … شـــقلبوا حـالها وين المـــــداوى

شوفوا البـلاوى ده البنـــك ناوى … يرفــع دعــاوى علشـــان يتـاوى… فى فلوسنا واحنا متقندليـــــن

مش بزيــــادانا بقيـــــــنا عـرة … وكل حــــــاجة من شــغل بــره

ده الفقــر طول قلــــع عينيــــنا … وخلا غيـــــرنا قلــس عليـــــنا … يادى الفضيحة يا ناس حرام

ولحــــــد ميـتى ما نفوقش واصل … والبيـه مقعمص قـــــــاعد يواصل

يشرب فى بيرة ويا منيــــــــــــرة … واحنا فى حيرة جـــــد وكبيـــــرة … انتعـــــنا بقى يا جـد الحسين

.

والله تستاهل يا قلبى مقام عجمsd

لحن سيد درويش كلمات أمين صدقى

والله تســــــتاهل يا قلبى … ليه تميــــــــل ما كنت خالى

انت أســــباب كل كربى … وانت أســـــــباب ما جرالى

إيه بقى اللى ح يواسينى … بعد ما انهــــــــدت آمــــالى

اذا كان حظى ناســــينى … مين اروح له اشكى له حالى

ان شكيت قلبى وحواسى … يعمــــلوا مؤامــــــــرة علىّ

وان بكيـت والحب قاسى … تشــــــتكى منـــــــــى عينىّ

أعمل ايه واحنا ف غربة … والأغـراب دول زى اليتامى

يا مين يواسيهم فى كربه … يامــــا بيقاســـــــــوا ويامــا

يارب كل من له حبيــب … طــــــال بعــــاده وللا قريب

ما تحـــــــــــرموش منه … وهــــــــاته له بالســـــــلامة

.

لحن العمال – ما قلتلكش ان الكترة مقام صول ماجيرsd

لحن سيد درويش كلمات بديع خيرى

ما قلتلكش ان الكترة … لابد يوم تغلب الشجاعة

واديك رأيت كلام الأمرا … طلع تمام ولا فيهشى لواعة

غيرشى اللى كان هالك ابداننا … ومطلع النجيل على عيننا

ان فهمى يكره حنا … وايش دخل دول يا نا بس ف ديننا

دخل بناتنا اللى موقعنا … فى بعضنا وراح لك متصدر

فقسنا لعبته واتجمعنا … لا يضيع شرفنا الله لا يقدر

عاديك على اللى ادت له الدنيا … وش وبقى له تركة ومتاعة

تشوفنا احنا تقول حنفية … وتشوفه هوه تقول بلاعة

عايشين فى وادى النيل نشرب … من عدادات على مللى وسنتى

من جاز لملح ومن سكر … وترموايات لخواجة تريانتى

ربنا ما يوريكشى دوختنا … الجيب نضيف أما البيت أنضف

والهدمة دى اللى على جتتنا … محجوز عليها دى عيشة تقرف

الحق كله على الأغنيا … إحم يا فرحتنا بشطارتهم

ملهيين فى روزا وماريا … والسف نازل على أمتهم

إمتى بقى نشوف قرش المصرى … يفضل فى بلده ولا يطلعشى

انتوا بمالكم واحنا بإيدنا … دى الإيد لوحدها ما تسقفشى

.

خفيــــف الـــــروح مقام بياتىsd

طقطــــوقة – تلحين سيد درويش

خفيف الروح بيتعـاجب … برمش العيــن والحاجب

خفيف الروح

غمـــز لى مرة بعيونـــه … لقيت الحــب مضمـــونه

حرام ان كنت انا اخونه … وعشقى له من الواجــب

خفيف الروح

تملى يحب يشــــــغلنى … بســـهم اللحـــــظ والننى

أخاف اتقل يخاصــمنى … ويهجـــرنى ويحـــرمنى

خفيف الروح

رأيت الأوفق ان جـانى … حبيب القــلب نــــــادانى

أرد عليــه بأجفـــــــانى … ولا أحسب حساب عازل

خفيف الروح

أدوار سيد درويش على صفحة خاصة

 

10 responses to “سيد درويش – نصوص وتسجيلات

  1. Nasser

    مارس 15, 2010 at 7:01 ص

    ماهي العلاقة بين اغنية الحلوة دي
    وأغنيةهافا ناجيلا hava nagila
    وايهما الاسبق في التلحين .
    الذي اعرفة ان مقام الحجاز شرقي فكيف لهم ان يستخدموه

     
  2. arabianmusic

    يوليو 12, 2010 at 6:57 م

    الصديق العزيز ناصر
    معذرة للتأخير فى الرد
    إن كنت تقصد بسؤالك تشابه الأغنيتين واحتمال أن تكون إحداهما منقولة من الأخرى نجيبك بأن أغنية الحلوة دى (الصنايعية) قدمت فى أوبريت “ولو” لسيد درويش عام 1919 ولم تكن هناك فى ذلك الوقت أغنية باسم هافا ناجيلا.
    تمام ؟
    نأتى للسؤال الثانى
    مقام الحجاز خالى من ربع التون ويمكن استخدامه فى السلم الغربى الذى يسمح بخفض أو رفع الدرجة بنصف درجة فقط ، لكنه يخلق بعدا نادر الاستخدام فى الموسيقى الغربية وهو البعد الزائد (درجة ونصف) فإذا تم استخدامه نتج عنه جنس مقام الحجاز
    نرجو أن تكون هذه الإجابة كافية مع أطيب التحيات

     
  3. Gourai Hammouda

    سبتمبر 25, 2011 at 2:22 م

    ان شكيت قلبى وحواسى … يعمــــلوا مؤامــــــــرة علىّ

    وان بكيـت والحب قاسى … تشــــــتكى منـــــــــى عينىّ

     
  4. د. إيمان مهران

    فبراير 14, 2015 at 2:23 ص

    زروني كل سنة مرة كلمات يونس القاضي ومسجلة في جمعية المؤلفين بمصر ـ وبباريس ..د. إيمان مهران

     
    • arabianmusic

      فبراير 14, 2015 at 9:54 م

      إلى د. إيمان مهران بعد التحية
      لحن سيد درويش “زوروني” وغناها وهو في الإسكندرية قبل أن ينتقل للقاهرة عام 1917، ولم يكن قد تعرف على يونس القاضي.
      أما تسجيلها في جمعية المؤلفين فيحتاج إثباته إلى وثيقة تثبت تاريخ التسجيل، ومع هذا يجب لكي يكون التسجيل صحيحا أن يكون قد تم في باريس قبل وفاة سيد درويش عام 1923 .. ومعلوم أن جمعية القاهرة أنشئت بعد وفاته .. وبالمناسبة ليست هذا الأغنية الأولى لسيد درويش التي تنسب إلى السيخ يونش القاضي، لكن المستغرب أن الرجل الذي توفي بعد سيد دويش بنحو نصف قرن ظل صامتا لعقود قبل أن يتحدث عن هذه القضية

       
    • arabianmusic

      فبراير 14, 2015 at 10:34 م

      الأهم من هذه القضية في نظرنا أن سيد درويش لم يبلغ تلك المكانة لكونه مؤلف أغاني، بل لكونه ملحنا، وكلنا نعلم أن عبقريته كانت في تعبيره بالألحان عن النصوص وإنشائه المدرسة التعبيرية في الموسيقى التي غيرت كل ما كان قبله ووضعت أسسا وقواعد جديدة للتلحين الحديث.
      وسواء كانت كلمات نص معين من نظمه أو من نظم غيره، كما هو الحال في معظم أعماله، فلا يغير هذا شيئا من فن سيد درويش

       
  5. Don Vito

    يوليو 22, 2015 at 8:37 م

    سبحان الله
    الإبداع الحقيقي لا يموت ولا يقنى بريقه
    عمري 32 , لم اكن أظن يوماً فيما مضى حين كنت أصغر من ذللك بكثير أنه سيأتي عليا زماناً أبحث عن اغاني سيد درويش
    وأرتأيت انه تراث جيلاً قديماً غيرنا, لم يروا ما نرى ونعاصر من حداثة وتقدم في كل شىء, نحن راينا العجب العجاب بالنسبة لهم,
    فمن هم حتى وأين هم منا ومن زماننا حتى يستيطعوا أن يبهرونا او يمتعونا أو حتى يلفتوا نظرنا, وبعج أن رأيت وسمعت وعاصرت, وسمعت موسيقى غربي وشرقي وراب وجاز, وبوب وروك, وسافرت ورجعت, ها أنا ذا بعد كل هذا أسمع أغنية بالصدفة بصوت فنان الشعب الراحل,
    فعلمت وقتها مدى غروري وجهلي

     
    • arabianmusic

      يوليو 24, 2015 at 4:46 م

      هذا التعليق من أفضل ما كتب عن تأثير فن سيد درويش في النفوس .. بقي أن تخبرنا باسم الأغنية التي أثارت كل هذه المشاعر ..
      تحياتنا لك ..

       
  6. Don Vito

    يوليو 24, 2015 at 9:05 م

    كانت أغنية (أنا هويت وانتهيت), ومع إني والله قد سمعتها من قبل بصوت عبد الوهاب وايضاً بأصوات مطربين من جيلي, ولكن أبداً لم تؤثر في هذا التأثير وهذه الحالة والتجربة التي عايشتها عندما سمعتها بصوت الشيخ سيد في هذا التسجيل النادر الخالي من أي مؤثرا تقنية بل بالعكس أظن حسب علمي أن التسجيل القديم لم يعطى ابداً حتى حقه الواقعي, ومن يومها وانا أبحث عن أغانيه (فقط بصوته) وحتى لو بدون معالجة صوتية, ايضاً استمتع وأعيش التجربة العجيبة, ومن الاغاني الأخرى له التي لا امل منها وأتمنى أن أجدها بصوته, هي أغنية (خفيف الروح)

     
    • arabianmusic

      يوليو 25, 2015 at 3:56 م

      شكرا للإشارة إلى اسم الأغنية التي تحثت عنها وهي “دور” أنا هويت ..ربما تعلم أن الدور قالب غنائي كان شائعا قبل سيد درويش ثم توقف تقريبا عام 1938 بآخر دور لحنه زكريا أحمد لأم كلثوم. لحن سيد درويش 10 أدوار كل واحد من مقام موسيقي مختلف، ونظر الموسيقيون إلى هذه الأدوار العشرة على أنها أفضل ما تم تلحينه من هذا القالب على الإطلاق
      وتأكيدا لوصفك لتلك “الحالة” في تجربة الاستماع إلى أداء سيد درويش بنفسه لأعماله فهناك إجماع على أن أداءه لألحانه تفوق على أداء أعظم المطربين رغم صوته الأجش .. إنه الإحساس العميق بما يقول كلمة ولحنا لأن هدفه كان شيئا جديدا على الموسيقى العربية وهو التعبير باللحن عن مضمون الكلمات وليس مجرد الطرب اللحني كما كان الأمر قبله .. ولا شك أنه قد وضع أسس المدرسة التعبيرية التي استمرت لأجيال بعده بل أصبح التعبير هو المقياس والمعيار الذي يقيم به أي عمل فني حتى من قبل الجمهور ..

       

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
تابع

احصل على كل تدوينة جديدة تم توصيلها إلى علبة الوارد لديك.

انضم 37 متابعون آخرين

%d مدونون معجبون بهذه: